Ind'a stampa, oghji (Corse Matin - Marcuri u 15 di ghjinnaghju di u 2020)Invitati i 18 è 19 di ghjinnaghju à u Palazzu di l’Elysée, duii start-up raprisintarani a Corsica in Parighji. A prima, Nubeus cù u so GPS, è a siconda, Acwa Robotics cù u so automatu pà andà in i canalisazioni

I18 è 19 di ghjinnaghju saranu prisintati duii start-up corsi à u Palazzu di l’Elysée. L’evenimenti ghjunghji in u quadru di u prughjettu "Fabriqué en France" urganizatu da u ministeriu di l’Ecunumia è di i Finanzi. Un appuntamentu chì, tutti l’anni, metti in lumi i prughjetti purtati da l’innuvatori. Nant’à 1 750 prudutti pruposti, u cumittatu di l’Elysée, prisidatu da Agnès Pannier-Runacher, n’hà sceltu ca’ 101, unu pà dipartimen-tu. In Corsica, hè Nubeus chì hè statu sceltu in u Pumonti, è Acwa Robotics in u Cismonti. Issi duii start-up sò stati accumpagnati da l’incubatori di prughjetti innuvanti, crea-tu in u 2006, Inizià. A missio-ni di st’incubatori hè di truvà, valutà è validà l’idei di i creatori isulani. Aiutendi à sviluppà un prughjettu o creà un impresa, facendu li campà à longu andà.

GPS in u sportu


Cù Inizià, ùn sò ca’ 19 in Francia à offra stu serviziu di qualità à i creatori. "Issi duii distinzioni testimuneghjani di a qualità d’Inizià, l’incubatori publicu tarrituriali", spieca Alexandre Vinciguerra, presidenti d’Inizià. A start-up Nubeus, di Jérémy Martinetti è Henri Ordioni, hà creatu è sviluppatu u N-Track Tracking GPS. Un ughjettu intelligenti è intarattivu numericu pà suvità qualchisia chì corra duranti una cumpetizioni spurtiva o simpliciamenti pà u piaceri. Un idea nuvatricia chì parmetti à quiddu chì u teni di spiazzà si cù mori sicurezza, d’ùn sbaglià si di parcorsu, di rilevà a so parfurmenza... U sistema di stu GPS hè unu di i più putenti di u mondu, cù 50 ori d’autonumia. Hè legeru è si pò annacquà pà fà u so spor-tu in i cundizioni i più stre-mi.

Automatu pà analisà l’acqua


Parlendu d’acqua, omu sà chì 20 % à 40 % di l’acqua si perdi trà una riserva è a casa ? Una perdita di 32 milliardi di m³ tutti l’anni. Da quì à pocu, ùn sarà più u casu cù u prughjettu di Jean-François Guiderdoni è Jean-François Rossi. Issi duii Bastiacci anu inventatu un automatu chì pudaria andà in i canalisazio-ni pà analisà i reti d’acqua, ancu quandu a pressioni hè mori alta. Spirendu chì issi duii prughjetti ani da cuntinuvà di crescia è chì i so creatori purtarani sempri più luntanu a Corsica nant’à strada di a mudernità.



Nubeus è acwa robotics, duii start-up ricivuti à l’Élysée in u quadru di u cuncorsu "fabriqué en france"